EPISODE III : The Attack of the Pinkbayawak

EPISODE III : The Attack of the Pinkbayawak

Tarhata

[	Sino?	\|	Dweinylane is in your ears and in my eyes	]
[	Talaan:	\|	!!!!!	]

Links

[

Links:

Social Circle| Octopus' Garden| A picture a day keeps the doctor away | TetherRobots

]

Hindi lang basta cool off ---goodbye!	[Jan. 18th, 2012\|05:35 am]
https://mahalsaankanatulogkagabi.wordpress.com/
Link	Nangangamusta?

kapag sinabi kong "sa wakas ay handa na akong magsulat"	[Dec. 19th, 2011\|02:32 am]
Kapag sinabi kong "sa wakas ay handa na akong magsulat", ang ibig sabihin no'y bigyan mo pa ko ng ilang umagang pagtitig sa kisame't pagtago sa kumot, ilang pananghaliang uubusin sa panunuod ng Eat Bulaga at ilan pang mahahabang gabi nang pagtitig sa isang blankong papel. Kung gaa'no karami ang "ilan" ay hindi ko din talaga alam, pero kapag sinabi kong "sa wakas ay handa na akong magsulat", ang ibig sabihin talaga no'n e nagpapagaling pa ko ng pusong nadurog dulot ng huli kong isinulat. Na pinupulot ko pa ulit ang tapang para huwag nang umaiyak at huwag nang matakot. Na kapag sinabi kong "sa wakas ay handa na akong magsulat", ang ibig ko naman talagang sabihin e gusto ko na talagang makapagsulat -pero teka lang... Kasi pakiramdam ko itong ulan ay hindi lamang luha kundi mga tintang piniling magpakamatay sa sementadong daan at hindi sa isang palayan kung saan pwede silang maging punla't muling maipanganak. Kapag tinanong kita kung "handa ka na bang magsulat?", paki-usap, pwede bang sagutin mo ako ng "ikaw, handa ka na ba?" para matandaan kong kailangan kong maging handa, kahit alam kong kailanman ay hindi ako talagang lubos na magiging handa. Para matandaan kong kailangan ko nang sumulat pagkat may isang blankong papel na naghihintay makwentuhan o kung hindi man ay malukot o kung hindi man ay maging isang bangka, isang eroplano, isang kanta, libro, pelikula.
Link	Nangangamusta?

Where's the love, it's not enuf, it makes the world go round and round yeah...	[Nov. 1st, 2011\|09:01 pm]
Hindi na daw on-hold ang mga pangarap ko, sabi ni Bathala. BATHALA: Nak, nagpa-welcome pa ko ng rainbow a. Buti't by the window ka naka-upo. Maganda sa Palawan nak, mas pinaganda ko dahil dadalaw ka. Sinisigurado ko lang na bukod sa hiningi mong trabaho'y makakapagsulat ka pa. Sinong the best? AKO: Ikaw Tay! Labyu po. BATHALA: Mwuahugs!
Link	Nangangamusta?

ANAK, KUNG SAKALING GUSTO MONG MAGING DIREKTOR BALANG ARAW

[Oct. 20th, 2011|03:45 pm]

[

Tags

antoinette jadaone, cinemaone originals 2011, lilia cuntapay

]

Anak, kung sakaling gusto mong maging direktor
balang araw:

Hwag kang gagawa ng pelikula nang wala kang pera
nang wala kang ipon
nang wala kang kumpyansa
nang wala kang alam
Hwag kang gagawa ng pelikula nang hindi ka handa
nang hindi ka handang masabihang
“ang pangit ng ginawa mo”, “di hamak
namang mas maganda ang magagawa ko riyan”
nang hindi ka handang malamang
hindi ka pala magaling, di-tulad ng pinaniwala ko sa iyo
o ng iyong mga guro, o ng iyong mga kaibigan.

Hwag kang gagawa ng pelikula nang hindi ka handang
mawalan ng pera, ng ipon
magkautang, at magkautang pa,
mawalan ng kaibigan at/o magkaroon ng kaaway,
nang hindi ka handang masaktan, mabigo,
mabigo ang sarili,
ako, o ang iyong mga guro, o ang iyong mga kaibigan
na napaniwala mong magaling ka
sa loob ng kay raming taon bago ka
sinuwerteng gumawa nitong pelikula.

Hwag kang gagawa ng pelikula nang hindi ka handang
mabaliw, tulad ng:
magising ng alas-dos ng umaga at biglang luluha ka na lang
dahil ang pangit ng mga nakunan mo, kung pwede lang ulitin lahat;
o dahil gusto mo pang mapaganda, ngunit wala ka nang pera;
o dahil gusto mo nang matapos lahat, dahil pagod na pagod
na pagod
na pagod
ka na.

Pero anak, kung sakaling gusto mo talagang maging direktor balang araw
ngunit wala kang pera, wala kang ipon,
at nababaliw at naluluha ka ng alas-dos ng umaga,
kung sakaling gusto mo talagang maging direktor balang araw
ngunit tingin mo’y hindi ka handa,
o walang sapat na mga taong nagtitiwala,

Gumawa ka pa rin ng pelikula,

dahil iyan palang pagnanais mong gumawa ng pelikula, anak,
sa palagay ko,
sapat na.

//

Teka't kakatapos ko lang magpunas ng luha't muta bilang wala pa kong ligo. Nakuha ko ito mula sa blog ni Tonet http://ilayailaya.wordpress.com/ writer-director ng pelikulang pinakaaabangan ko!

Link

Nangangamusta?

Dearest Bathala, nalulumabay ako.	[Oct. 18th, 2011\|02:42 pm]
Ngayon ko lang ulit aaminin na nalulungkot ako. Para kasing lahat ng mga pangarap ko on hold, kung baga sa internet ang tagal magload! Ewan kung dahil sa maling connection o sa pipitchuging specs ng computer. Buti nga sa internet connection e may mga options ka ng pwedeng sisihin, e sa kaso ko -wala. Sarili ko lang, ako lang ang may kasalanan. Life is what you make out of it daw, and Dwein? Tangina eto na ba 'yun? Alam mo, ayaw ko nang umuuwi sa bahay. Nanghihina na kasi akong makita ang mukha ng nanay at tatay ko na pinipilit itago ang pag-aalala't pag-aabang sa anak nilang hindi alam kung pa-saan. Nadudurog ang puso ko, tuwing susubukan nilang magtanong na alam kong ayaw nilang ginagawa kasi alam kong gusto nilang maniwala. Alam nila kasing naniniwala ako, at gusto kong maniwalang naniniwala pa din ako sa sarili ko (period). Gusto kong maniwalang phase lang 'to, quarter life crisis na nagagamot ng paracetamol itulog mo lang kinabukasan wala na. Sabi nila, minsan kelangan mo daw munang mawala't maligaw bago mahanap ang sarili mo o kung sa'n ka talaga papunta. Dalawang buwan na kasi akong naliligaw e, sana hindi na umabot sa tatlong buwan. At seryosong napipikon ako kay Bathala! Sana kasi phone call away nalang siya, 'yung direktang sumasagot sa mga tanong mo, pwedeng yayaing mag-inom sa Mogwai (na sarado na nga pala) o magkape sa Starbucks (na sympre libre niya, bilang si God naman siya). Hindi 'yung dinadaan ka sa mga bagay na pa-tweetums, bahagyang pagsagot, pagpaparamdam na kung balat sibuyas ka't likas na tanga e kelanman hindi mo na di-dicipher! Bathala naman e, ang daya mo talaga! Alam mo namang kahit anong sabihin mo e gagawin ko naman! Takot ko lang bumaliko sa hiling mo, baka mamaya patamaan mo pa ko sa kidlat! Sana naman kasi literal na kausapin mo ko, kesehodang sa isang pusang biglang natutong magsalita o sa katauhan ni Judy Anne Santos na may outerglow! Promise hindi ako magfi-freak out, sabihin mo lang kung anong kelangan kong gawin kasi Lord! Diyos ko po! Hindi ko na talaga alam, hindi ko na talaga alam gagawin ko. Sana Lord, hindi kayo galit sa'kin at brinodcast ko pa sa livejournal ang tampo ko sa'nyo a, kung galit man kayo feel free to reply naka-on naman anonymous settings ko e. Eto muna isang TVC ng paracetamol, starring Charlie Davao: Pero seryoso, magkagano'n man Bathala, hindi man dumating ang sagot sa isang pusang natutong magsalita o ni Juday na may outerglow at kahit hindi pa kayo magreply sa post na 'to. Alam kong may mga plano kayo para sa'kin na mas malaki pa sa mga pangarap na binuo at patuloy kong binubuo ngayon. Alam kong pinaghihintay niyo lang ako ng very-very light, katunayan hindi rin kayo galit sa'kin at brinodcast ko ang tampo ko sa'nyo. Pinagtatawanan niyo pa nga ako habang pinapanuod sa gintong plangganang may tubig na nilagyan ng dry ice, tas gusto niyong sabihing : "alam mo naman palang pinaghihintay lang kita at mas malaki plano ko sa mga plano, so anong problema Dwein? may drama ka pang hindi ako nagrereply, kapal ng mukha neto!" Kk, fine.
Link	Nangangamusta?

Ang mga kwento ni lola Azon.	[Sep. 19th, 2011\|05:05 am]
Si tiya Gina ang bunsong anak ng lola Azon ko (nanay ng tatay), kakagawa lang niya ng facebook kamakailan at ang sipag niyang mag-update ng stat na halos lahat kwento tungkol kay lola, na gustong-gusto ko ring ikwento sayo! Eto't kinapy-paste ko galing fazebook, alam kong masakit sa mata ang mga ito hence the "translation", enjoy! Regina Baltazar Observ ko nga sy now,kse khpon uminum ng shmpo(PANTENE)kumpleto n sy,kumain ng florwx,uminum ng gas,zonrox,toyo!pg dinl ko to emergency ssbihin ng doc dun,PINBAYAAN n nmn ng nga ank! translation: Observe ko nga siya now, kasi kahapon uminum ng shampoo (PANTENE) kumpleto na siya, kumain ng floorwax, uminum ng gas, zonrox, toyo! pagdinala ko 'to sa emergency sasabihin ng doc do'n, pinabayaan na naman ng mga anak! Regina Baltazar Bkit ang likot likot mo iny?ngbbrs k p s double dek mo?mshol k p ky spiderman,kulng n lng dito atin ipgw kit ng spot n pglmbitinn u,taas p 2paa mo!grbe ang energy mo,ako ang nghihin pg nkikit kitng gnyn bk mkbitw k n nmn at tumilpun s ere!duguan k n nmn! translation: Bakit ang likot-likot mo inay? nagbabars ka pa sa double dek mo? masahol ka pa kay spiderman, kulang nalang dito sa'tin ipagawa kita ng spot na paglambitinan mo, taas pa dalawang paa mo! grabe ang energy mo, ako ang nanghihina pagnakikita kitang ganyan baka makabitiw ka na naman at tumilapon sa ere! duguan ka na naman! Regina Baltazar Ang srp ng upo ko s blkon 7pm,ngaagw ang dilim at liwng,ng sitsitn mo ako iny,muntik n akong tumkbo,alm kung kinklkl mo ang aprdor mo pero mly kong isusuot mo ang TRAHE DE BUDA mo,ikaw b yn inay!cno ang scort mo? translation: Ang sarap ng upo ko sa balkon 7pm, nag-aagaw ang dilim at liwanag nang sitsitan mo ako inay, muntik na akong tumakbo, alam kong kinakalkal mo ang aparador mo pero malay kong isusuot mo ang TRAHE DE BUDA mo. ikaw ba yan inay? sino escort mo? Regina Baltazar Mtlino k nmn iny e,khit grde 1 k lng,s gbi gbi mong pgknta ng ABCD english p he kumpleto nmn,kso mhin k s math kse pg ngbibilng k ang disisyete u e bentidus kgd ksunod!dyn k mli inay; translation: Matalino ka naman inay e, kahit grade 1 ka lang, sa gabi-gabi mong pagkanta ng ABCD english pa e kumpleto naman, kaso mahina ka sa math kasi pag nagbibilang ka, ang disisyete mo e bentidus kaagad kasunod! diyan ka mali inay! Regina Baltazar Me1yir n ata ang nkkraan,heavy drma tau,cguro 1am nun ang ingy mo ky pinunthn kit,nktyo ako nk upo k bigl u me niykp,nnlmig ako iny kse rmdm ko ang embrce mo!kso ano ang sbi mo?UMIN HUBO N AKO!s hlip n iiyk ako nptw me bkit ang bstos nyo inay? translation: May 1 year na yata ang nakakaraan, heavy drama tayo, siguro 1am no'n ang ingay mo kaya pinuntahan kita, nakatayo ako naka-upo ka bigla mo akong niyakap, nanlamig ako inay kasi ramdam ko ang embrace mo! kaso sabi mo "UMIN HUBO NA KO!" sa halip na iiyak ako napatawa ko, bakit ang bastos niyo inay? (UMIN ang palayaw ng lolo ko) Regina Baltazar Kktkotbrownout,c mudra gcng,ngbibilng ng ank ny,tm nmn kse 11 dw,gling nyo iny!kl ko ulynin kau,pero bkit ng binbnggit nyo n mga pngln e mli?C DIGA,PGUK,WELING,NUWY,UMIN PATI C DONA ank nyo,nsn ako?bk wl c gina?a ewn bhl nga kau!mga kptid, apo nyo ky cl. translation: Kakatakot brownout, si mudra gising nagbibilang ng mga anak niya. Tama naman kasi 11 daw, galing niyo inay! kala ko ulyanin kayo, pero bakit ng binabangit niyo na mga pangalan e mali? Si DIGA, PGUK, WELING, NUWY PATI C DONA anak niyo, nasan ako? bakit wala si gina? a ewan bahala nga kayo! mga kapatid niyo kaya sila! Regina Baltazar Lks ng sumpong mo iny,pg ginigicng k pr kumain,ng tu tulog tulugn k,kung keln nk higa n ako sk k sisigw ng,LUGAW GINA!ng aasr k b?tuld ng psukin tau ng ahs ayw mong imult ang mt mo,ky binuht k nmin ni nene,tw k p nga e ktl nmn kmi,grbe ka MAMANG! translation: Lakas ng sumpong mo inay, pag ginigising ka para kumain nagtutulog-tulugan ka. Kung kelan nakahiga na ako saka ka sisigaw ng "LUGAW GINA!!" nang aasar ka ba? Tulad ng pasukin tayo ng ahas ayaw mong imulat ang mata mo, kaya binuhat ka namin ni Nene, tawa ka pa nga e katal naman kami, grabe ka MAMANG!
Link	Nangangamusta?

lil' bowow.	[Jul. 6th, 2011\|06:59 pm]
Ikaw na ang matakaw! Paa ko 'yan, hindi suso ng nanay niyo, gagi. ( Anong tawag sa asong laging nauuntog? ) At yes, eto din ang purpose talaga ng entry na 'to. Ang makumbinsi kitang bilhin 'yung isang lalaki ko. Ako po'y mapapasa'yo sa murang-murang halaga. Look at me oh, i look sooo timid and shy. Hi, new mom! new dad!
Link	Nangangamusta?

...magsayaw nalang tayo	[Jun. 15th, 2011\|04:08 pm]
Having troubles telling how I feel But I can dance, dance and dance Couldn't possibly tell you how I mean But I can dance, dance, dance So when I trip on my feet Look at the beat The words are, written in the sand When I'm shaking my hips Look for the swing The words are, written in the air Dance I was a dancer all along Dance, dance, dance Words can never make up for what you do Easy conversations, there's no such thing No I'm shy, shy, shy My hips they lie 'cause in reality I'm shy, shy, shy But when I trip on my feet Look at the ground The words are, written in the dust When I'm shaking my hips Look for the swing The words are written in the air Dance I was a dancer all along Dance, dance, dance Words can never make up for what you do Dance, dance, dance
Link	Nangangamusta?

Mamu.	[May. 12th, 2011\|04:08 pm]
Masakit man aminin pero malinaw naman talaga sa'kin na kung ikukumpara ako sa itsura ng nanay ko nu'ng kasing edad ko siya e walang-wala ako. Ang daming mga bagay na walang-wala ako sa nanay ko. Bukod sa malaking suso't maliit na beywang, isang pang bagay na hindi ko na mana sa kanya e 'yung kasipagan. Tipong gigising ng alas-tres ng madaling araw para magluto, papasok sa trabaho, uuwi ng alas-syete ng gabi, maghuhugas ng pinagkainan namin, minsan magkukula pa 'yan magbababad pa ng mga panty't bra na kinabukasan ng madaling araw bago magluto't pumasok e lalabhan pa niya. Gano'n siya katindi! Kadalasan tuwing sabado't linggo, mga araw na ang dami kong dahilan para humiga't manuod ng TV. Siya namang dami ng dahilan niyang magwalis ng sahig, magtahi ng mga butas na pundilyo, magpagpag ng kobre kama, magpunas ng tukador at magluto pa ulit! Sa sobrang sipag niya, minsan nahalungkat niya sa magulo't maduming closet ko ang isang ziplock ng -----tuyong dahon! Pag-uwi ko sabahay sinalubong niya ko nang pahiyaw habang hawak ang ziplock! Ano 'to Donalyn? Ano 'to? Marijuana 'to 'no? Wala akong nasagot. Ang tatay, tahimik na nakatitig lang sa'ken. Dapat 'to sinusunog e! Pahabol niya habang umuusok ang ilong. Muntik na kong matawa. Isa 'yun sa mga paborito kong episode kasama ng nanay ko. ( Itago mo ako sa pangalang, Becca -Rebbecca. )
Link	1 ang nangamusta!\|Nangangamusta?

Balance Diet	[May. 6th, 2011\|08:04 pm]
( Double Bitch! )
Link	7 ang nangamusta!\|Nangangamusta?

<3	[Apr. 25th, 2011\|04:12 pm]
Ang ganda neto. Yun na!
Link	Nangangamusta?

Sinong nagsabing patay ngayon si Jesus? Tamo't nakakapag-chat pa!	[Apr. 23rd, 2011\|02:42 pm]

Link	1 ang nangamusta!\|Nangangamusta?

Sa pagtanda.	[Apr. 20th, 2011\|11:58 am]
Determinado ko maging maganda pagdating ng ika-bente sais ko. Buong buhay ko ata e pinangarap ko gumanda pagdating ko sa tamang edad. At naniniwala akong tamang edad ang bente sais. Kaya nu'ng nakaraang Huwebes, bisperas ng aking kaarawan at gig namin sa b-sides isinuot ko 'yung bago kong bistida, nagfoundation, nagplancha ng buhok na nilagyan ko ng kaunting wave, parang ganto: Bukod sa lensensya para magfeeling maganda at kumain ng madami na para bang pinagkalooban ako ng Panginoon ng katawang hindi kailanman mananaba tulad ng kay Heart Evangilista, paborito ko ang pagbabasa at pagsagot sa bawat isang bumabati sa'kin sa facebook. Parang nagkakaro'n ako ng dahilan para mangamusta sa mga kaibigan o makapagspark man lang ng conversation sa isang estrangherong inamag na sa friend's list ko. Do'n nabibigyan ko ng justification ang pagkikeep ng 800+ friends -para magpangap na kakilala ko't bumati sa'kin tuwing birthday ko, kasi sa tunay na buhay wala pa sa bente ang nakakaalala. ( Merry Lenten & a Happy Beerday tuyo )
Link	7 ang nangamusta!\|Nangangamusta?

navigation

[	viewing	\|	most recent entries	]
[	go	\|	earlier	]